apni marzi se kahan apne ke ham hain
rukh hawaaon ka jidhar ka hai udhar ke ham hain
pahle har cheez thi apni magar ab lagta hai
apne hi ghar mein kisi doosre ghar ke ham hain
waqt ke saath hai miti ka sadiyon se
kis ko maaloom kahan ke hain kidhar ke ham hain
chalte rahte hain ki chalna hai musafir ka naseeb
sochte rahte hain kis raahguzar ke ham hain
ham wahan hain jahan kuchh bhi nahi rasta na dayaar
apne hi khoe hue shaam o sahar ke ham hain
gintiyon mein hi gine jaate hain har daur mein ham
har qualamkaar ki be-naam khabar ke ham hain
Responses
No comments yet. Be the first to respond.
masajdin hain namaazeewan ke liye
apne ghar mein kahin khuda rakhna
jism mein pheelne laga hai shahar
apni tanhaaiyan bacha rakhna
milna jalna jahan zaroori hai
milne jalne ka hausla rakhna
umr karne ko hai pachaas ko paar
kaun hai kis jagah pata rakhna
zamin di hai toh thoda sa aasman bhi de
mire khuda mire hone ka kuchh guman bhi de
bana ke but mujhe beenaai ka azaab na de
ye hi azaab hai quismat toh phir zaban bhi de