un ke ik jan-nisaar ham bhi hain
hain jahan sau hazaar ham bhi hain
tum bhi bechain ham bhi hain bechain
tum bhi ho be-quaraar ham bhi hain
ai falak kah toh kya iraada hai
aish ke khwaast-gaar ham bhi hain
kheench laaega jazb-e- un ko
hama tan intizaar ham bhi hain
bazm-e-dushman mein le chala hai
kaise be-ikhtiyaar ham bhi hain
shahar khaali kiye dukan kaisi
ek hi baada-khwaar ham bhi hain
sharm samjhe tire taghaaful ko
waah kya hoshiyaar ham bhi hain
haath ham se milaao ai moosa
aashique-e-roo-e-yaar ham bhi hain
khwaahish-e-baada-e-tuhoor nahi
kaise parhez-gaar ham bhi hain
tum agar apni goon ke ho maashooque
apne matlab ke yaar ham bhi hain
jis ne chaaha phansa liya ham ko
dilabron ke shikaar ham bhi hain
aai mai-khaane se ye kis ki sada
laao yaaron ke yaar ham bhi hain
le hi toh legi dil nigaah tiri
har tarah hoshiyaar ham bhi hain
idhar aa kar bhi faatiha padh lo
aaj zer-e-mazaar ham bhi hain
ghair ka haal poochhiye ham se
us ke jalse ke yaar ham bhi hain
kaun sa dil hai jis mein daagh nahi
ishq mein yaadgaar ham bhi hain
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera