tumhare khat mein naya ik salaam kis ka tha
na tha raqueeb toh aakhir wo naam kis ka tha
wo quatl kar ke mujhe har kisi se poochhte hain
ye kaam kis ne kiya hai ye kaam kis ka tha
wafa karenge nibaahenge baat maanenge
tumhein bhi hai kuchh ye kalaam kis ka tha
raha na dil mein wo be aur dard raha
muqueem kaun hua hai maquam kis ka tha
na poochh-gachh thi kisi ki wahan na aaw-bhagat
tumhaari bazm mein kal ehtimaam kis ka tha
tamaam bazm jise sun ke rah gai mushtaaque
kaho wo tazkira-e-naa-tamaam kis ka tha
hamare khat ke toh purze kiye padha bhi nahi
suna jo tu ne b-dil wo payaam kis ka tha
uthaai kyoon na quayaamat adoo ke kooche mein
lihaaz aap ko waqt-e-khiraam kis ka tha
guzar gaya wo zamaana kahoon toh kis se kahoon
khayaal dil ko mire subh o shaam kis ka tha
hamein toh hazrat-e-waaiz ki zid ne pilwaai
yahan iraada-e-sharb-e-mudaam kis ka tha
agarche dekhne waale tire hazaaron the
tabaah-haal bahut zer-e-baam kis ka tha
wo kaun tha ki tumhein jis ne bewfa jaana
khayaal-e-khaam ye sauda-e-khaam kis ka tha
inhin sifaat se hota hai aadmi mashhoor
jo lutf aam wo karte ye naam kis ka tha
har ik se kahte hain kya daagh bewfa nikla
ye poochhe un se koi wo ghulaam kis ka tha
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera