teri soorat ko dekhta hoon main
us ki qudrat ko dekhta hoon main
jab hui subh aa gae naaseh
unhin hazrat ko dekhta hoon main
wo museebat suni nahi jaati
jis museebat ko dekhta hoon main
dekhne aae hain jo meri nabz
un ki soorat ko dekhta hoon main
mujh ko dikhaai deti hai
jab tabeeat ko dekhta hoon main
-e-furqat utha utha kar sar
subh-e-ishrat ko dekhta hoon main
door baitha hua sar-e-mahfil
rang-e-sohbat ko dekhta hoon main
har museebat hai be-mazaa shab-e-gham
aafat aafat ko dekhta hoon main
na mohabbat ko jaante ho tum
na murawwat ko dekhta hoon main
koi dushman ko yoon na dekhega
jaise quismat ko dekhta hoon main
hashr mein daagh koi dost nahi
saari khilqat ko dekhta hoon main
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera