ranj ki jab guftugoo hone lagi
aap se tum tum se tu hone lagi
chahiye paighaam-bar donon taraf
lutf kya jab doo-b-doo hone lagi
meri ruswaai ki naubat aa gai
un ki shohrat koo-b-koo hone lagi
hai tiri tasweer kitni be-
har kisi ke roo-b-roo hone lagi
ghair ke hote ai shaam-e-wasl
kyoon hamare roo-b-roo hone lagi
naa-ummeedi badh gai hai is quadar
aarzoo ki aarzoo hone lagi
ab ke mil kar dekhiye kya rang ho
phir hamaari justujoo hone lagi
daagh itraae hue phirte hain aaj
shaayad un ki aabroo hone lagi
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera