phire se wo yahan aate aate
ajal mar rahi tu kahan aate aate
na jaana ki duniyaa se jaata hai koi
bahut der ki meharban aate aate
suna hai ki aata hai sar naama-bar ka
kahan rah gaya armughan aate aate
yaquin hai ki ho jaae aakhir ko sachchi
mire munh mein teri zaban aate aate
sunaane ke quabil jo thi baat un ko
wahi rah gai darmiyan aate aate
mujhe karne se ye muddaa tha
nikal jaae dam hichkiyan aate aate
abhi sin hi kya hai jo bebaakiyan hon
unhein aaengi shokhiyan aate aate
kaleja mire munh ko aaega ik din
yoonhi lab par aah-o-fughan aate aate
chale aate hain dil mein armaan laakhon
makan bhar gaya mehman aate aate
nateeja na nikla thake sab payaami
wahan jaate jaate yahan aate aate
tumhaara hi mushtaaque-e-deedaar hoga
gaya jaan se ik jawan aate aate
tiri aankh phirte hi kaisa phira hai
miri raah par aasman aate aate
pada hai bada pech phir dil-lagi mein
tabeeat ruki hai jahan aate aate
mire aashiyan ke toh the chaar tinke
chaman ud gaya aandhiyan aate aate
kisi ne kuchh un ko ubhaara toh hota
na aate na aate yahan aate aate
quayaamat bhi aati thi hamraah us ke
magar rah gai ham-inan aate aate
bana hai hamesha ye dil baagh o sahra
bahaar aate aate khizan aate aate
nahi khel ai daagh yaaron se kah do
ki aati hai urdoo zaban aate aate
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera