khaatir se yaa lihaaz se main maan toh gaya
jhooti quasam se aap ka imaan toh gaya
le ke muft kahte hain kuchh kaam ka nahi
ulti shikaaytein huin ehsaan toh gaya
darta hoon dekh kar -e-be-aarzoo ko main
sunsaan ghar ye kyoon na ho mehmaan toh gaya
kya aae raahat aai jo kunj-e-mazaar mein
wo walawla wo shauque wo armaan toh gaya
dekha hai but-kade mein jo ai shaikh kuchh na poochh
imaan ki toh ye hai ki imaan toh gaya
ifsha-e-raaz-e-ishq mein go zillatein huin
lekin use jata toh diya jaan toh gaya
go naama-bar se khush na hua par hazaar shukr
mujh ko wo mere naam se pahchaan toh gaya
bazm-e-adoo mein soorat-e-parwaana dil mira
go rashk se jala tire qurbaan toh gaya
hosh o hawaas o taab o tawan daagh ja chuke
ab ham bhi jaane waale hain saamaan toh gaya
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera