jalwe miri mein kaun-o-makan ke hain
mujh se kahan chhupenge wo aise kahan ke hain
khulte nahi hain raaz jo soz-e-nihan ke hain
kya phootne ke waaste chhaale zaban ke hain
karte hain quatl wo talab-e-maghfirat ke baad
jo the ke haath wahi imtihan ke hain
jis roz kuchh shareek hui meri musht-e-khaak
us roz se zamin pe sitam aasman ke hain
baazoo dikhaae tum ne laga kar hazaar haath
poore pade toh wo bhi bahut imtihan ke hain
naaseh ke saamne kabhi sach bolta nahi
meri zaban mein rang tumhaari zaban ke hain
kaisa jawaab hazrat-e-dil dekhiye zara
paighaam-bar ke haath mein tukde zaban ke hain
kya iztiraab-e-shauque ne mujh ko khajil kiya
wo poochhte hain kahiye iraade kahan ke hain
aashique tire adam ko gae kis quadar tabaah
poochha har ek ne ye musafir kahan ke hain
har-chand daagh ek hi ayyaar hai magar
dushman bhi toh chhate hue saare jahan ke hain
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera