is nahi ka koi ilaaj nahi
roz kahte hain aap aaj nahi
kal jo tha aaj wo mizaaj nahi
is talawwun ka kuchh ilaaj nahi
aaina dekhte hi itraae
phir ye kya hai agar mizaaj nahi
le ke rakh lo kaam aaega
go abhi tum ko ehtiyaaj nahi
ho sakein ham mizaaj-dan kyoonkar
ham ko milta tira mizaaj nahi
chup lagi laal-e-jan-faza ko tire
is maseeha ka kuchh ilaaj nahi
-e-be-muddaa khuda ne diya
ab kisi shay ki ehtiyaaj nahi
khote daamon mein ye bhi kya thahra
dirham-e-daagh ka riwaaj nahi
be-niyaazi ki shaan kahti hai
bandagi ki kuchh ehtiyaaj nahi
dil-lagi keejiye raqueebon se
is tarah ka mira mizaaj nahi
ishq hai paadshaah-e-aalam-geer
garche zaahir mein takht-o-taaj nahi
dard-e-furqat ki go dawa hai wisaal
is ke quabil bhi har mizaaj nahi
yaas ne kya bujha diya dil ko
ki tadap kaisi ikhtilaaj nahi
ham toh seerat-pasand aashique hain
khoob-roo kya jo khush-mizaaj nahi
hoor se poochhta hoon jannat mein
is jagah kya buton ka raaz nahi
sabr bhi dil ko daagh de lenge
abhi kuchh is ki ehtiyaaj nahi
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera