wo ham- tha magar us se ham-nawaai na thi
ki dhoop chhaanw ka aalam raha judaai na thi
na apna ranj na auron ka dukh na tera malaal
-e-firaaque kabhi ham ne yoon ganwaai na thi
mohabbaton ka safar is tarah bhi guzra tha
shikasta-dil the musafir shikasta-paai na thi
adaawtein theen, taghaaful thaa, ranjishein thin bahut
bichhadne waale mein sab kuchh thaa, bewfaai na thi
bichhadte waqt un aankhon mein thi hamaari ghazal
ghazal bhi wo jo kisi ko abhi sunaai na thi
kise pukaar raha tha wo doobta hua din
sada toh aai thi lekin koi duhaai na thi
kabhi ye haal ki donon mein yak-dili thi bahut
kabhi ye marahla jaise ki aashnaai na thi
ajeeb hoti hai raah-e-sukhan bhi dekh naseer
wahan bhi aa gae aakhira, jahan rasaai na thi
Responses
No comments yet. Be the first to respond.