sukoot-e-shaam se ghabra na jaae aakhir tu
mire dayaar se guzri jo ai kiran phir tu
libaas-e-jan mein nahi sholgi ka rang magar
jhulas raha hai mire saath kyoon b-zaahir tu
wafa-e-waada-o-paiman ka etibaar bhi kya
ki main toh -e-iman hoon aur munkir tu
mire wajood mein ik be-zaban samundar hai
utar ke dekh safeene se meri khaatir tu
main shaakh-e-sabz nahi mahram-e-saba bhi nahi
mire fareb mein kyoon aa gaya hai taair tu
isi ummeed pe jalte hain raaston mein
kabhi toh laut ke aaega ai musafir tu
Responses
No comments yet. Be the first to respond.