misl-e-sahra hai rifaaqat ka bhi ab ke
jal bujha apne hi sholon mein badan bhi ab ke
khaar-o-khas hoon toh sharar-kheziyan dekhoon phir se
aankh le aai hai ik aisi kiran bhi ab ke
ham toh wo jo shaakhon pe ye sochein pahron
kyoon saba bhool gai apna chalan bhi ab ke
manzilon tak nazar aata hai shikaston ka ghubaar
saath deti nahi aise mein thakan bhi ab ke
munsalik ek hi rishte mein na ho jaae kahin
tire maathe tire bistar ki shikan bhi ab ke
be-gunaahi ke libaade ko utaaro bhi naseer
raas aa jaae agar jurm-e-sukhan bhi ab ke
Responses
No comments yet. Be the first to respond.