main bhi ai kaash kabhi mauj-e-saba ho jaaoon
is tawaqquo pe ki khud se bhi juda ho jaaoon
abr utthe toh simat jaaoon tiri aankhon mein
dhoop nikle toh tire sar ki rida ho jaaoon
aaj ki ujaale mire ham-saaya hain
aaj ki jo so loon toh naya ho jaaoon
ab yahi soch liya dil mein ki manzil ke baghair
ghar palat aaoon toh main aabla-pa ho jaaoon
phool ki tarah mahakta hoon tiri yaad ke saath
ye alag baat ki main tujh se khafa ho jaaoon
jis ke kooche mein baraste rahe patthar mujh par
us ke haathon ke liye rang-e-hina ho jaaoon
aarzoo ye hai ki taqdees-e-hunar ki khaatir
tere honton pe rahoon hamd-o-sana ho jaaoon
marahla apni parastish ka ho darpesh toh main
apne hi saamne maail-b-dua ho jaaoon
teesha-e-waqt bataae ki taaaruf ke liye
kin pahaadon ki bulandi pe khada ho jaaoon
haae wo log ki main jin ka pujaari hoon naseer
haae wo log ki main jin ka khuda ho jaaoon
Responses
No comments yet. Be the first to respond.