injeel-e-raftagan ki hadeeson ke saath hoon
isa-nafas hoon aur saleebon ke saath hoon
paaband-e-rang-o-naqsh hoon tasweer ki tarah
main be- apne hijaabon ke saath hoon
auraaque-e-aarzoo pe b-unwaan-e-jan-kani
main be-nishan si chand lakeeron ke saath hoon
shaayad ye intizaar ki lau faisla kare
main apne saath hoon ki dareechon ke saath hoon
tu fatah-mand mera taraasha hua
main but-taraash apni shikaston ke saath hoon
mauj-e-saba ki zad pe sar-e-rahguzaar-e-shauque
main bhi naseer ghar ke charaaghon ke saath hoon
Responses
No comments yet. Be the first to respond.