ham-rahi ki baat mat kar imtihan ho jaaega
ham subuk ho jaaenge tujh ko giran ho jaaega
jab aa kar guzar jaaegi ai sarw-e-bahaar
ek rang apna bhi paiwand-e-khizan ho jaaega
saaat-e-tark-e-taalluque bhi quareeb aa hi gai
kya ye apna sab taalluque raaegan ho jaaega
ye hawa saare charaaghon ko uda le jaaegi
dhalne tak yahan sab kuchh dhuan ho jaaega
shaakh-e-dil phir se hari hone lagi dekho naseer
aisa lagta hai kisi ka aashiyan ho jaaega
Responses
No comments yet. Be the first to respond.