dekh lete hain ab us baam ko aate jaate
ye bhi aazaar chala jaaega jaate jaate
ke sab naqsh the haathon ki lakeeron jaise
naqsh-e-pa hote toh mumkin tha mitaate jaate
thi kabhi jo ham-raah guzarne waali
ab hazar hota hai us raah se aate jaate
shahar-e-be-mehra! kabhi ham ko bhi mohlat deta
ik diya ham bhi kisi rukh se jalaate jaate
paara-e-abr-e-gurezan the ki mausam apne
door bhi rahte magar paas bhi aate jaate
har ghadi ek juda gham hai judaai us ki
gham ki meeaad bhi wo le gaya jaate jaate
us ke kooche mein bhi ho, raah se be-raah naseer
itne aae the toh aawaaz lagaate jaate
Responses
No comments yet. Be the first to respond.