zikr-e--e-firaaque se wahshat use bhi thi
meri tarah kisi se mohabbat use bhi thi
mujh ko bhi shauque tha nae chehron ki deed ka
rasta badal ke chalne ki aadat use bhi thi
is der tak wo raha mahaw-e-guftugoo
masroof main bhi kam tha faraaghat use bhi thi
mujh se bichhad ke shahar mein ghul-mil gaya wo shakhs
haalaanki shahar-bhar se adaawat use bhi thi
wo mujh se badh ke zabt ka aadi tha ji gaya
warna har ek saans quayaamat use bhi thi
sunta tha wo bhi sab se puraani kahaaniyan
shaayad rafaaquton ki zaroorat use bhi thi
tanha hua safar mein toh mujh pe khula ye bhed
saae se pyar dhoop se nafrat use bhi thi
mohsin main us se kah na saka yoon bhi haal dil
darpesh ek taaza museebat use bhi thi
Responses
No comments yet. Be the first to respond.