zakhm ke se taskeen talab karti hai
baaz auquat miri rooh ghazab karti hai
jo tiri zulf se utre hon mire aangan mein
chaandani aise andheron ka adab karti hai
apne insaaf ki zanjeer na dekho ki yahan
muflisi zehan ki fariyaad bhi kab karti hai
sehan-e-gulshan mein hawaaon ki sada ghaur se sun
har kali maatam-e-sad-jashn-e-tarab karti hai
sirf din dhalne pe mauquoof nahi hai mohsin
zindagi zulf ke saae mein bhi karti hai
Responses
No comments yet. Be the first to respond.