wo dilaawar jo siyah ke shikaari nikle
wo bhi chadhte hue sooraj ke pujaari nikle
sab ke honton pe mire baad hain baatein meri
mere dushman mire lafzon ke bhikaari nikle
ik janaaza utha maqtal mein ajab shaan ke saath
jaise saj kar kisi faateh ki sawaari nikle
ham ko har daur ki gardish ne salaami di hai
ham wo patthar hain jo har daur mein bhaari nikle
aks koi ho khad-o-khaal tumhare dekhoon
bazm koi ho magar baat tumhaari nikle
apne dushman se main be-wajh tha mohsin
mere quatil toh mire apne hawaari nikle
Responses
No comments yet. Be the first to respond.