ujde hue logon se gurezan na hua kar
haalaat ki quabron ke ye katbe bhi padha kar
kya jaaniye kyoon tez hawa soch mein gum hai
khwaabeeda parindon ko darakhton se uda kar
us shakhs ke tum se bhi maraasim hain toh honge
wo jhoot na bolega mire saamne aa kar
har waqt ka hansana tujhe barbaad na kar de
ke lamhon mein kabhi ro bhi liya kar
wo aaj bhi sadiyon ki masaafat pe khada hai
dhoonda tha jise waqt ki deewar gira kar
ai tujhe dushman ki bhi pahchaan kahan hai
tu halqua-e-yaaran mein bhi mohtaat raha kar
is shab ke muqaddar mein sahar hi nahi mohsin
dekha hai kai baar charaaghon ko bujha kar
Responses
No comments yet. Be the first to respond.