labon pe harf-e-rajaz hai zirah utaar ke bhi
main jashn-e-fatah manaata hoon jang haar ke bhi
use lubha na saka mere baad ka mausam
bahut udaas laga khaal-o-khad sanwaar ke bhi
ab ek pal ka taghaaful bhi sah nahi sakte
ham ahal-e- kabhi aadi the intizaar ke bhi
wo lamha bhar ki kahaani ki umr bhar mein kahi
abhi toh khud se taquaze the ikhtisaar ke bhi
zameen odh li ham ne pahunch ke par
ki ham pe quarz the kuchh gard-e-rahguzaar ke bhi
mujhe na sun mire be-shakl ab dikhaai toh de
main thak gaya hoon faza mein tujhe pukaar ke bhi
miri dua ko palatna tha phir udhar mohsin
bahut ujaad the manzar ufuque se paar ke bhi
Responses
No comments yet. Be the first to respond.