kis ne sang-e-khaamushi phenka bhare-bazaar par
ik sukoot-e-marg taari hai dar-o-deewar par
tu ne apni zulf ke saae mein afsaane kahe
mujh ko zanjeerein mili hain juraat-e-izhar par
shaakh-e-uriyan par khila ik is andaaz se
jis tarah taaza lahoo chamke nai talwaar par
sang- ahbaab ke daaman mein ruswaai ke phool
main ne dekha hai naya manzar faraaz-e-daar par
ab koi tohmat bhi wajh-e-karb-e-ruswaai nahi
zindagi ik umr se chup hai tire israar par
main sar-e-maqtal hadees-e-zindagi kahta raha
ungaliyan uthti rahin mohsin mire kirdaar par
Responses
No comments yet. Be the first to respond.