khumaar-e-mausam-e-khushboo had-e- mein khula
miri ghazal ka khazaana tire badan mein khula
tum us ka kabhi us ki bazm mein dekho
ki maahtaab sada shab ke pairhan mein khula
ajab nasha tha magar us ki bakhshish-e-lab mein
ki yoon toh ham se bhi kya kya na wo sukhan mein khula
na poochh pahli mulaaquat mein mizaaj us ka
wo rang rang mein simta kiran kiran mein khula
badan ki chaap nigah ki zaban bhi hoti hai
ye bhed ham pe magar us ki anjuman mein khula
ki jaise abr hawa ki girah se khul jaae
safar ki shaam mira meharban thakan mein khula
kahoon main kis se nishaani thi kis maseeha ki
wo ek zakhm ki mohsin mire kafan mein khula
Responses
No comments yet. Be the first to respond.