noch kar shaakhon ke tan se khushk patton ka libaas

zard mausam baanjh-rut ko be-libaasi de gaya

subh ke taare miri pahli dua tere liye

tu dil-e-be-sabr ko taskin zara si de gaya

log malbon mein dabe saae bhi dafnaane lage

zalazla ahal-e-zamin ko bad-hawaasi de gaya

tund jhonke ki ragon mein ghol kar apna dhuan

ik diya andhi hawa ko khud-shanaasi de gaya

le gaya mohsin wo mujh se abr banta aasman

us ke badle mein zamin sadiyon ki pyaasi de gaya