bichhad ke mujh se ye mashghala ikhtiyaar karna
hawa se darna bujhe charaaghon se pyar karna
khuli zameenon mein jab bhi sarson ke mahkein
tum aisi rut mein sada mira intizaar karna
jo log chaahein toh phir tumhein bhi na aaein
kabhi kabhi tum mujhe bhi un mein shumaar karna
kisi ko ilzaam-e-bewfaai kabhi na dena
miri tarah apne aap ko sogwaar karna
tamaam waade kahan talak yaad rakh sakoge
jo bhool jaaein wo ahad bhi ustuwaar karna
ye kis ki aankhon ne baadlon ko sikha diya hai
ki seena-e-sang se rawan aabshaar karna
main zindagi se na khul saka is liye bhi mohsin
ki bahte paani pe kab talak etibaar karna
Responses
No comments yet. Be the first to respond.