azaab-e- mein aankhein lahoo lahoo kar ke
main sharmasaar hua teri justujoo kar ke
khandar ki tah se bureeda-badan saron ke siwa
mila na kuchh bhi khazaanon ki aarzoo kar ke
suna hai shahar mein zakhmi dilon ka mela hai
chalenge ham bhi magar pairhan rafoo kar ke
masaafat-e--e-hijran ke baad bhed khula
hawa dukhi hai charaaghon ki aabroo kar ke
zamin ki pyaas usi ke lahoo ko chaat gai
wo khush hua tha samundar ko aabjoo kar ke
ye kis ne ham se lahoo ka khiraaj phir maanga
abhi toh soe the maqtal ko surkh-roo kar ke
juloos-e-ahal-e-wafa kis ke dar pe pahuncha hai
nishaan-e-tauque-e-wafa zeenat-e-guloo kar ke
ujaad rut ko gulaabi banaae rakhti hai
hamaari aankh tiri deed se wuzoo kar ke
koi toh habs-e-hawa se ye poochhta mohsin
mila hai kya use kaliyon ko be-numoo kar ke
Responses
No comments yet. Be the first to respond.