ne muzda-e-wisaal na nazzaara-e-jamaal

muddat hui ki aashti-e-chashm-o-gosh hai

mai ne kiya hai husn-e-khud-aara ko be-hijaab

ai shauqa! han ijaazat-e-tasleem-e-hosh hai

gauhar ko aqd-e-gardan-e-khooban mein dekhna

kya auj par sitaara-e-gauhar-farosh hai

deedaar baada hausla saaqui nigaah mast

bazm-e-khayaal mai-kada-e-be-kharosh hai

ai taaza waardaan-e-bisaat-e-hawa-e-dil

zinhaar agar tumhein hawas-e-naae-o-nosh hai

dekho mujhe jo deeda-e-ibrat-nigaah ho

meri suno jo gosh-e-naseehat-neosh hai

saaqui-b-jalwa dushman-e-imaan-o-aaghi

mutrib b-naghma rahzan-e-tamkeen-o-hosh hai

yaa shab ko dekhte the ki har gosha-e-bisaat

daamaan-e-baaghbaan o kaf-e-gul-farosh hai

luft-e-khiram-e-saaqui o zauque-e-sada-e-chang

ye jannat-e-nigaah wo firdaus-e-gosh hai

yaa subh-dam jo dekhiye aa kar toh bazm mein

ne wo suroor o soz na josh-o-kharosh hai

daagh-e-firaaque-e-sohbat-e-shab ki jali hui

ik shama rah gai hai so wo bhi khamosh hai

aate hain ghaib se ye mazaamin khayaal mein

ghaalib sareer-e-khaama nawa-e-sarosh hai