kahoon kya garm-joshi mai-kashi mein shola-rooyan ki

ki sham-e-khana-e-dil aatish-e-mai se farozan ki

hamesha mujh ko tifli mein bhi mashque-e-teerah-rozi thi

siyaahi hai mire ayyaam mein lauh-e-dabistan ki

daregh aah-e-sahar-gah kaar-e-baad-e-subh karti hai

ki hoti hai ziyaada sard-mehri shama-rooyan ki

mujhe apne junoon ki be-takalluf parda-daari thi

w-lekin kya karoon aawe jo ruswaai gareban ki

hunar paida kiya hai main ne hairat-aazmaai mein

ki jauhar aaine ka har palak hai chashm-e-hairan ki

khudaaya kis quadar ahal-e-nazar ne khaak chhaani hai

ki hain sad-rakhna joon ghirbaal deewaarein gulistan ki

hua sharm-e-tahi-dasti se se wo bhi sar-nigoon aakhir

bas ai zakhm-e-jigar ab dekh le shorish namak-dan ki

bayaad-e-garmi-e-sohbat b-rang-e-shola dahke hai

chhupaaoon kyoonki ghaalib sozishein daagh-e-numaayan ki

junoon tohmat-kash-e-taskin na ho gar shaadmaani ki

namak-paash-e-kharaash-e-dil hai lazzat zindagaani ki

kashaakash-ha-e-hasti se kare kya sai-e-aazaadi

hui zanjeer-e-mauj-e-aab ko fursat rawaani ki

na kheench ai sai-e-dast-e-naa-rasa zulf-e-tamannaa ko

pareshan-tar hai moo-e-khaama se tadbeer maani ki

kahan ham bhi rag-o-pai rakhte hain insaaf bahattar hai

na kheenche taaqat-e-khamyaaza tohmat naa-tawaani ki

takalluf-baratraf farhaad aur itni subu-dasti

khayaal aasan tha lekin khawaab-e-khusraw ne giraani ki

pas-az-murdan bhi deewaana ziyaarat-gaah-e-tiflan hai

sharaar-e-sang ne turbat pe meri gul-fishaani ki

asad ko boriye mein dhar ke phoonka mauj-e-hasti ne

faqueeri mein bhi baaqui hai sharaarat naujwaani ki