dekhna haalat mire dil ki ham-aaghoshi ke waqt

hai nigaah-e-aashna tera sar-e-har-moo mujhe

hoon saraapa saaz-e-aahang-e-shikaayat kuchh na poochh

hai yahi behtar ki logon mein na chhede tu mujhe

baais-e-waamaandagi hai umr-e-fursat-joo mujhe

kar diya hai pa-b-zanjeer-e-ram-e-aahoo mujhe

khaak-e-fursat bar-sar-e-zauque-e-fanaa ai intizaar

hai ghubaar-e-sheesha-e-saaat ram-e-aahoo mujhe

ham-zaban aaya nazar fikr-e-sukhan mein tu mujhe

mardumuk hai tooti-e-aaeena-e-zaanoo mujhe

yaad-e-mizgan mein b-nashtar-e-zaar-e-sauda-e-khayaal

chahiye waqt-e-tapish yak-dast sad-pahloo mujhe

iztiraab-e-umr be-matlab nahi aakhir ki hai

justujoo-e-fursat-e-rabt-e-sar-e-zaanoo mujhe

chahiye darmaan-e-reesh-e-dil bhi tegh-e-yaar se

maram-e-zangaar hai wo wasma-e-abroo mujhe

kasrat-e-jaur-o-sitam se ho gaya hoon be-dimaagh

khoob-rooyon ne banaaya ghaalib-e-bad-khoo mujhe

fursat-e-aaraam-e-ghash hasti hai bohraan-e-adam

hai shikast-e-rang-e-imkan gardish-e-pahloo mujhe

saaz-e-ima-e-fanaa hai aalam-e-peeri asad

quamat-e-kham se hai haasil shokhi-e-abroo mujhe