khizan kya fasl-e-gul kahte hain kis ko koi mausam ho

wahi ham hain quafas hai aur maatam baal-o-par ka hai

wafa-e-dilabran hai ittifaaqui warna ai hamdam

asar fariyaad-e-dil-ha-e-hazin ka kis ne dekha hai

na laai shokhi-e-andesha taab-e-ranj-e-naumeedi

kaf-e-afsos milna ahad-e-tajdeed-e-tamannaa hai

na sowe aablon mein gar sarishk-e-deeda-e-naam se

b-jaulan-gaah-e-naumeedi nigaah-e-aajizan pa hai

b-sakhti-ha-e-quaid-e-zindagi maaloom aazaadi

sharar bhi said-e-daam-e-rishta-e-rag-ha-e-khaara hai

taghful-masharbi se naa-tamaami bas-ki paida hai

nigaah-e-naaz chashm-e-yaar mein zunnaar-e-meena hai

tasarruf wahshiyon mein hai tasawwur-ha-e-majnoon ka

sawaad-e-chashm-e-aahoo aks-e-khaal-e-roo-e-laila hai

mohabbat tarz-e-paiwand-e-nihaal-e-dosti jaane

daweedan resha san muft-e-rag-e-khawaab-e-zulekha hai

kiya yak-sar gudaaz-e-dil niyaaz-e-joshish-e-hasrat

suwaida nuskha-e-tah-bandi-e-daagh-e-tamannaa hai

hujoom-e-rezish-e-khoon ke sabab rang ud nahi sakta

hina-e-panja-e-saiyyaad murgh-e-rishta bar-pa hai

asar soz-e-mohabbat ka quayaamat be-muhaaba hai

ki rag se sang mein tukhm-e-sharar ka resha paida hai

nihan hai gauhar-e-maqsood jeb-e-khud-shanaasi mein

ki yan ghawwaas hai timsaal aur aaeena dariya hai

azeezo zikr-e-wasl-e-ghair se mujh ko na bahlaao

ki yan afsoon-e-khawaab afsaana-e-khawaab-e-zulekha hai

tasawwur bahar-e-taskeen-e-tapeedan-ha-e-tifl-e-dil

b-baagh-e-rang-ha-e-rafta gul-cheen-e-tamaasha hai

b-sai-e-ghair hai quat-e-libaas-e-khana-weeraani

ki naaz-e-jaada-e-rah rishta-e-daamaan-e-sahra hai