quad o gesoo mein quais o kohkan ki aazmaaish hai

jahan ham hain wahan daar-o-rasan ki aazmaaish hai

karenge kohkan ke hausle ka imtihaan aakhir

abhi us khasta ke nerwe tan ki aazmaaish hai

naseem-e-misr ko kya peer-e-kanaan ki hawa-khwaahi

use yoosuf ki boo-e-pairhan ki aazmaaish hai

wo aaya bazm mein dekho na kahiyo phir ki ghaafil the

shakeb-o-sabr-e-ahal-e-anjuman ki aazmaaish hai

rahe dil hi mein teer achchha jigar ke paar ho behtar

gharaz shust-e-but-e-naawak-fagan ki aazmaaish hai

nahi kuchh subha-o-zunnaar ke phande mein geeraai

wafaadaari mein shaikh o barahman ki aazmaaish hai

pada rah ai dil-e-waabasta betaabi se kya haasil

magar phir taab-e-zulf-e-pur-shikan ki aazmaaish hai

rag-o-pay mein jab utre zahar-e-gham tab dekhiye kya ho

abhi toh talkhi-e-kaam-o-dahan ki aazmaaish hai

wo aawenge mire ghar waada kaisa dekhna ghaalib

nae fitnon mein ab charkh-e-kuhan ki aazmaaish hai