b-quadr-e-hasrat-e-dil chahiye zauque-e-maaasi bhi

bharoon yak-gosha-e-daaman gar aab-e-haft-dariya ho

agar wo sarw-quad garm-e-khiraam-e-naaz aa jaawe

kaf-e-har-khaak-e-gulshan shakl-e-qumri naala-farsa ho

baham baaleedan-e-sang-o-gul-e-sahra ye chaahe hai

ki taar-e-jaada bhi kohsaar ko zunnaar-e-meena ho

hareef-e-wahshat-e-naaz-e-naseem-e-ishq jab aaoon

ki misl-e-ghuncha saaz-e-yak-gulistan dil muhayya ho

bajaae daana khirman yak-bayaaban baiza-e-kumri

mira haasil wo nuskha hai ki jis se khaak paida ho

kare kya saaz-e-beenish wo shaheed-e-dard-aagaahi

jise moo-e-dimaagh-e-be-khudi khawaab-e-zulekha ho

dil-e-joon-shama bahar-e-daawat-e-nazzaara laayaani

nigah labrez-e-ashk o seena maamoor-e-tamannaa ho

na dekhein roo-e-yak-dil sard ghair-az sham-e-kaafoori

khudaaya is quadar bazm-e-asad garm-e-tamaasha ho