har ek baat pe kahte ho tum ki tu kya hai
tumhin kaho ki ye andaaz-e-guftugoo kya hai
na shole mein ye karishma na barque mein ye ada
koi bataao ki wo shokh-e-tund-khoo kya hai
ye rashk hai ki wo hota hai ham- tum se
wagarna khauf-e-bad-aamozi-e-adoo kya hai
chipak raha hai badan par lahoo se pairaahan
hamare jaib ko ab haajat-e-rafoo kya hai
jala hai jism jahan bhi jal gaya hoga
kuredte ho jo ab raakh justujoo kya hai
ragon mein daudte phirne ke ham nahi quail
jab aankh hi se na tapka toh phir lahoo kya hai
wo cheez jis ke liye ham ko ho bahisht azeez
siwaae baada-e-gulfaam-e-mushk-boo kya hai
piyoon sharaab agar khum bhi dekh loon do-chaar
ye sheesha o quadah o kooza o suboo kya hai
rahi na taaqat-e-guftaar aur agar ho bhi
toh kis umeed pe kahiye ki aarzoo kya hai
hua hai shah ka musaahib phire hai itraata
wagarna shahar mein ghaalib ki aabroo kya hai
Responses
No comments yet. Be the first to respond.
kashaakash ha hasti se kare kya sai aazaadi
hui zanjeer mauj aab ko fursat rawaani ki
nashsha ha shaadaab rang w saaz ha mast tarab
sheesha-e mai sarw sabz joybaar naghma hai
wafa dalabran hai ittifaaqui warna ai hamdam
asar fariyaad dil ha hazin ka kis ne dekha hai
b sakhti ha quaid zindagi maaloom aazaadi
sharar bhi said daam rishta-e rag ha khaara hai
tasawwur bahar taskeen tapeedan ha tifl dil
b baagh rang ha rafta gul chain tamaasha hai
baja hai gar na sune naala haaye bulbul zaar
ki gosh gul nam shabnam se panba aagin hai