mahfilein barham kare hai ganjinfa-baaz-e-khayaal

hain waraque-gardaani-e-nairang-e-yak-but-khana ham

baawjood-e-yak-jahan hangaama paidaai nahi

hain charaaghaan-e-shabistaan-e-dil-e-parwaana ham

zof se hai ne quanaaat se ye tark-e-justujoo

hain wabaal-e-takiya-gaah-e-himmat-e-mardaana ham

daaim-ul-habs is mein hain laakhon tamannaaein asad

jaante hain seena-e-pur-khoon ko zindan-khana ham

bas-ki hain bad-mast-e-b-shikan b-shikan-e-mai-khana ham

moo-e-sheesha ko samajhte hain khat-e-paimaana ham

bas-ki har-yak-moo-e-zulf-afshan se hai taar-e-shuaaa

panja-e-khursheed ko samjhe hain dast-e-shaana ham

mashque-e-az-khud-raftagi se hain b-gulzaar-e-khayaal

aashna taabeer-e-khawaab-e-sabza-e-begaana ham

fart-e-be-khwaabi se hain shab-ha-e-hijr-e-yaar mein

joon zabaan-e-shama daagh-e-garmi-e-afsaana ham

shaam-e-gham mein soz-e-ishq-e-aatish-e-rukhsaar se

pur-fashaan-e-sokhtan hain soorat-e-parwaana ham

hasrat-e-arz-e-tamannaa yan se samjha chahiye

do-jahan hashr-e-zabaan-e-khushk hain joon shaana ham

kashti-e-aalam b-toofaan-e-taghaaful de ki hain

aalam-e-aab-e-gudaaz-e-jauhar-e-afsaana ham

wahshat-e-be-rabti-e-pech-o-kham-e-hasti na poochh

nang-e-baaleedan hain joon moo-e-sar-e-deewaana ham