ai dil-e-naa-aaquibat-andesh zabt-e-shauque kar

kaun la sakta hai taab-e-jalwa-e-deedaar-e-dost

khana-weeran-saazi-e-hairat tamaasha keejiye

soorat-e-naqsh-e-quadam hoon rafta-e-raftaar-e-dost

ishq mein bedaad-e-rashk-e-ghair ne maara mujhe

kushta-e-dushman hoon aakhir garche tha beemaar-e-dost

chashm-e-ma raushan ki us bedard ka dil shaad hai

deeda-e-pur-khoon hamaara saaghar-e-sarshaar-e-dost

ghair yoon karta hai meri pursish us ke hijr mein

be-takalluf dost ho jaise koi gham-khwaar-e-dost

taaki main jaanoon ki hai us ki rasaai wan talak

mujh ko deta hai payaam-e-waada-e-deedaar-e-dost

jab ki main karta hoon apna shikwa-e-zof-e-dimaagh

sar kare hai wo hadees-e-zulf-e-ambar-baar-e-dost

chupke chupke mujh ko rote dekh paata hai agar

hans ke karta hai bayaan-e-shokhi-e-guftaar-e-dost

meharbaani-ha-e-dushman ki shikaayat keejiye

ta bayan keeje sipaas-e-lazzat-e-aazaar-e-dost

ye ghazal apni mujhe ji se pasand aati hai aap

hai radeef-e-sher mein ghaalib zi-bas takraar-e-dost

chashm-e-band-e-khalque juz timsaal-e-khud-beeni nahi

aaina hai qualib-e-khisht-e-dar-o-deewar-e-dost

barque-e-khirman-zaar gauhar hai nigaah-e-tez yan

ashk ho jaate hain khushk az-garmi-e-raftaar-e-dost

hai sawa neze pe us ke quamat-e-nau-khez se

aaftaab-e-subh-e-mahshar hai gul-e-dastaar-e-dost

ai adoo-e-maslahat chand b-zabt afsurda rah

karadni hai jama taab-e-shokhi-e-deedaar-e-dost

laghzishat-e-mastaana o josh-e-tamaasha hai asad

aatish-e-mai se bahaar-e-garmi-e-bazaar-e-dost