yaaro mujhe muaaf rakho main nashe mein hoon
ab do toh jaam khaali hi do main nashe mein hoon
ek ek qurt daur mein yoon hi mujhe bhi do
jaam-e-sharaab pur na karo main nashe mein hoon
masti se darahmi hai miri guftugoo ke beech
jo chaaho tum bhi mujh ko kaho main nashe mein hoon
yaa haathon haath lo mujhe maanind-e-jaam-e-mai
yaa thodi door saath chalo main nashe mein hoon
maazoor hoon jo mira be-tarah pade
tum sargiran toh mujh se na ho main nashe mein hoon
bhaagi namaaz-e-juma toh jaati nahi hai kuchh
chalta hoon main bhi tuk toh raho main nashe mein hoon
naazuk- aap quayaamat hain meer ji
joon sheesha mere munh na lago main nashe mein hoon
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai