tha mustaaar se us ke jo noor tha
khursheed mein bhi us hi ka zarra zuhoor tha
hangaama garm-kun jo -e-naa-suboor tha
paida har ek naale se shor-e-nushoor tha
pahuncha jo aap ko toh main pahuncha khuda ke tain
maaloom ab hua ki bahut main bhi door tha
aatish buland dil ki na thi warna ai kaleem
yak shola barque-e-khirman-e-sad-koh-e-toor tha
majlis mein raat ek tire paratwe baghair
kya shama kya patang har ik be-huzoor tha
us fasl mein ki gul ka gareban bhi hai hawa
deewaana ho gaya so bahut zi-shuoor tha
munaim ke paas quaqum o sanjaab tha toh kya
us rind ki bhi raat guzar gai jo oor tha
ham khaak mein mile toh mile lekin ai siphar
us shokh ko bhi raah pe laana zaroor tha
kal paanw ek kaasa-e-sar par jo aa gaya
yaksar wo ustukhwaan shikaston se choor tha
kahne laga ki dekh ke chal raah be-khabar
main bhi kabhoo kisoo ka sar-e-pur-ghuroor tha
tha wo toh rashk-e-hoor-e-bahishti hamin mein meer
samjhe na ham toh faham ka apni qusoor tha
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai