aah-e-sahar ne sozish-e- ko mita diya
us baaw ne hamein toh diya sa bujha diya
samjhi na baad subh ki aa kar utha diya
is fitna-e-zamaana ko naahaque jaga diya
posheeda raaz-e- chala jaae tha sau aaj
be-taaquti ne dil ki wo parda utha diya
us mauj-khez dahar mein ham ko quaza ne aah
paani ke bulbule ki tarah se mita diya
thi laag us ki tegh ko ham se sau ishq ne
donon ko maarke mein gale se mila diya
sab shor-e-ma-o-man ko liye sar mein mar gae
yaaron ko is fasaane ne aakhir sula diya
aawaargaan-e-ishq ka poochha jo main nishan
musht-e-ghubaar le ke saba ne uda diya
ajza badan ke jitne the paani ho bah gae
aakhir gudaaz ishq ne ham ko baha diya
kya kuchh na tha azal mein na taala jo the durust
ham ko dil-shikasta quaza ne dila diya
goya muhaasba mujhe dena tha ishq ka
us taur dil si cheez ko main ne laga diya
muddat rahegi yaad tire chehre ki jhalak
jalwe ko jis ne maah ke ji se bhula diya
ham ne toh saadgi se kya ji ka bhi ziyan
dil jo diya tha so toh diya sar juda diya
boi kabaab sokhta aai dimaagh mein
shaayad jigar bhi aatish-e-gham ne jila diya
takleef dard-e-dil ki abas ham-nashin ne ki
dard-e-sukhan ne mere sabhon ko rula diya
un ne toh tegh kheenchi thi par ji chala ke meer
ham ne bhi ek dam mein tamaasha dikha diya
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai