ham hue tum hue ki meer hue
us ki zulfon ke sab aseer hue
jin ki khaatir ki ustukhwan-shikni
so ham un ke nishaan-e- hue
nahi aate kaso ki aankhon mein
ho ke aashique bahut haqueer hue
aage ye be-adaaiyan kab thin
in dinon tum bahut shareer hue
apne rote hi rote sahra ke
goshe goshe mein aab-geer hue
aisi hasti mein daakhil hai
nay jawan ham na tifl-e-sheer hue
ek dam thi numood bood apni
yaa safedi ki yaa akheer hue
yaani maanind-e-subh duniyaa mein
ham jo paida hue sau peer hue
mat mil ahal-e-duwal ke ladkon se
meer-ji un se mil faqueer hue
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai