jis sar ko ghuroor aaj hai yan taaj-wari ka
kal us pe yahin shor hai phir nauhaagri ka
sharminda tire rukh se hai rukhsaar pari ka
chalta nahi kuchh aage tire kabk-e-dari ka
aafaaque ki se gaya kaun salaamat
asbaab luta mein yan har safri ka
zindan mein bhi shorish na gai apne junoon ki
ab sang mudaawa hai is aashufta-sari ka
har zakhm-e-jigar daawar-e-mahshar se hamaara
insaaf-talab hai tiri bedaad-gari ka
apni toh jahan aankh ladi phir wahin dekho
aaeene ko lapka hai pareshan-nazri ka
sad mausam-e-gul ham ko tah-e-baal hi guzre
maqdoor na dekha kabhoo be-baal-o-pari ka
is rang se jhamke hai palak par ki kahe tu
tukda hai mira ashk aqueeque-e-jigri ka
kal sair kiya ham ne samundar ko bhi ja kar
tha dast-e-nigar panja-e-mizgan ki tari ka
le saans bhi aahista ki naazuk hai bahut kaam
aafaaque ki is kaargah-e-sheeshaagri ka
tuk meer-e-jigar-sokhta ki jald khabar le
kya yaar bharosa hai charaagh-e-sahri ka
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai