jin ke liye apne toh yoon jaan nikalte hain
is mein we jaise anjaan nikalte hain
kya teer-e-sitam us ke seene mein bhi toote the
jis zakhm ko cheeroon hoon paikaan nikalte hain
mat sahal hamein jaano phirta hai falak barson
tab ke parde se insaan nikalte hain
kis ka hai quimaash aisa goodad bhare hain saare
dekho na jo logon ke deewaan nikalte hain
gah lohoo tapakta hai gah lakht-e-dil aankhon se
yaa tukde jigar hi ke har aan nikalte hain
kariye toh gila kis se jaisi thi hamein khwaahish
ab waise hi ye apne armaan nikalte hain
jaagah se bhi jaate ho munh se bhi khashin ho kar
we harf nahi hain jo shaayaan nikalte hain
so kaahe ko apni tu jogi ki si pheri hai
barson mein kabhoo idhar ham aan nikalte hain
un aaeena-rooyon ke kya meer bhi aashique hain
jab ghar se nikalte hain hairaan nikalte hain
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai