jab rone baithta hoon tab kya kasar rahe hai
roomaal do do din tak joon abr tar rahe hai
aah-e- ki meri barchhi ke wasawse se
khursheed ke munh oopar aksar sipar rahe hai
aagah toh rahiye us ki tarz-e-rah-o-rawish se
aane mein us ke lekin kis ko khabar rahe hai
un rozon itni ghaflat achchhi nahi idhar se
ab iztiraab ham ko do do pahar rahe hai
aab-e-hayaat ki si saari rawish hai us ki
par jab wo uth chale hai ek aadh mar rahe hai
talwaar ab laga hai be-dol paas rakhne
khoon aaj kal kisoo ka wo shokh kar rahe hai
dar se kabhoo jo aate dekha hai main ne us ko
tab se udhar hi aksar meri rahe hai
aakhir kahan talak ham ik roz ho chukenge
barson se waada-e-shab har subh par rahe hai
meer ab bahaar aai sahra mein chal junoon kar
koi bhi fasl-e-gul mein naadaan ghar rahe hai
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai