ham aap hi ko apna maqsood jaante hain
apne siwaae kis ko maujood jaante hain
ijz-o-niyaaz apna apni taraf hai saara
is musht-e- ko ham masjood jaante hain
soorat-pazeer ham bin hargiz nahi we maane
ahal-e- hamin ko maabood jaante hain
ishq un ki aql ko hai jo ma-siwa hamare
naacheez jaante hain naa-bood jaante hain
apni hi sair karne ham jalwa-gar hue the
is ramz ko w-lekin maadood jaante hain
yaarab kase hai naaqua har ghuncha is chaman ka
raah-e-wafa ko ham toh masdood jaante hain
ye zulm-e-be-nihaayat dushwaar-tar ki khooban
bad-wazaiyon ko apni mahmood jaante hain
kya jaane daab sohbat az khwesh raftagan ka
majlis mein shaikh-saahib kuchh kood jaante hain
mar kar bhi haath aawe toh meer muft hai wo
ji ke ziyaan ko bhi ham sood jaante hain
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai