raha jab tak ki dam mein dam raha
dil ke jaane ka nihaayat raha
husn tha tera bahut aalam-fareb
khat ke aane par bhi ik aalam raha
dil na pahuncha gosha-e-daaman talak
quatra-e-khoon tha miza par jam raha
sunte hain laila ke kheme ko siyaah
us mein majnoon ka magar maatam raha
jaama-e-ehraam-e-zaahid par na ja
tha haram mein lek naa-mahram raha
zulfein kholin toh tu tuk aaya nazar
umr bhar yan kaam-e-dil barham raha
us ke lab se talkh ham sunte rahe
apne haque mein aab-e-haiwan sam raha
mere rone ki haqueeqat jis mein thi
ek muddat tak wo kaaghaz nam raha
subh-e-peeri shaam hone aai meer
tu na cheta yan bahut din kam raha
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai