bani thi kuchh ik us se muddat ke baad
so phir bigdi pahli hi sohbat ke baad
judaai ke haalaat main kya kahoon
quayaamat thi ek ek saaat ke baad
mua kohkan be-sutoon khod kar
ye raahat hui aisi mehnat ke baad
laga paani ko daude hai tu
ye garmi tiri is sharaarat ke baad
kahe ko hamare kab un ne suna
koi baat maani so minnat ke baad
ki na takleef ham se karo
lahoo tapke hai ab shikaayat ke baad
nazar meer ne kaisi hasrat se ki
bahut roe ham us ki rukhsat ke baad
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai