b-rang-e-boo-e- us baagh ke ham aashna hote
ki hamraah-e-saba tuk sair karte phir hawa hote
saraapa aarzoo hone ne bandaa kar diya ham ko
wagarna ham khuda the gar -e-be-muddaa hote
falak ai kaash ham ko khaak hi rakhta ki is mein ham
ghubaar-e-raah hote yaa kasoo ki khaak-e-pa hote
ilaahi kaise hote hain jinhein hai bandagi khwaahish
hamein toh sharm daaman-geer hoti hai khuda hote
tu hai kis naahiye se ai dayaar-e-ishq kya jaanoon
tire baashindagan ham kaash saare bewfa hote
ab aise hain ki saane ke mizaaj oopar baham pahunche
jo khaatir-khwaah apne ham hue hote toh kya hote
kahin jo kuchh malaamat gar baja hai meer kya jaanein
unhein maaloom tab hota ki waise se juda hote
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai