ashk aankhon mein kab nahi aata
lohoo aata hai jab nahi aata
hosh jaata nahi raha lekin
jab wo aata hai tab nahi aata
tha ek monis-e-hijran
so wo muddat se ab nahi aata
se rukhsat hui koi khwaahish
girya kuchh be-sabab nahi aata
ishq ko hausla hai shart arna
baat ka kis ko dhab nahi aata
ji mein kya kya hai apne ai hamdam
par sukhan ta-b-lab nahi aata
door baitha ghubaar-e-meer us se
ishq bin ye adab nahi aata
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai