aao kabhoo toh paas hamare bhi naaz se
karna sulook khoob hai ahal-e-niyaaz se
phirte ho kya darakhton ke saae mein door door
kar lo muwaafqat kisoo bebarg-o-saaz se
hijran mein us ke karna bhala na tha
kotaahi jo na howe ye umr-e-daraaz se
maanind-e-subha uqude na ke kabhoo khule
ji apna kyoon ki uchte na roze namaaz se
karta hai chhed chhed hamaara jigar tamaam
wo dekhna tira miza-e-neem-baaz se
dil par ho ikhtiyaar toh hargiz na kariye ishq
parhez kariye is maraz-e-jan-gudaaz se
aage bichha ke nata ko laate the tegh o tasht
karte the yaani khoon toh ik imtiyaaz se
maane hon kyoon ki girya-e-khoonin ke ishq mein
hai rabt-e-khaas chashm ko ifsha-e-raaz se
shaayad sharaab-khaane mein shab ko rahe the meer
khele tha ek mughabcha mohar-e-namaaz se
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai