aae hain meer kaafir ho kar ke ghar mein
peshaani par hai quashqua zunnaar hai kamar mein
naazuk badan hai kitna wo shokh-chashm dilbar
jaan us ke tan ke aage aati nahi mein
seene mein teer us ke toote hain be-nihaayat
suraakh pad gae hain saare mire jigar mein
aainda shaam ko ham roya kudha karenge
mutlaque asar na dekha naaleedan-e-sahar mein
be-sudh pada rahoon hoon us mast-e-naaz bin main
aata hai hosh mujh ko ab toh pahar pahar mein
seerat se guftugoo hai kya motbar hai soorat
hai ek sookhi lakdi jo boo na ho agar mein
ham-saaya-e-mughan mein muddat se hoon chunaanche
ik sheera-khaane ki hai deewar mere ghar mein
ab subh o shaam shaayad girye pe rang aawe
rahta hai kuchh jhamakta khoonaab chashm-e-tar mein
aalam mein aab-o-gil ke kyoonkar nibaah hoga
asbaab gir pada hai saara mira safar mein
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai