aa jaaein ham jo koi dam bahut hai yan
mohlat hamein bisaan-e-sharar kam bahut hai yan
yak lahza seena-kobi se fursat hamein nahi
yaani ki ke jaane ka maatam bahut hai yan
haasil hai kya siwaae taraai ke dahar mein
uth aasman tale se ki shabnam bahut hai yan
maail-b-ghair hona tujh abroo ka aib hai
thi zor ye kaman wale kham-cham bahut hai yan
ham rah-rawaan-e-raah-e-fanaa der rah chuke
waqfa bisaan-e-subh koi dam bahut hai yan
is but-kade mein maani ka kis se karein sawaal
aadam nahi hai soorat-e-aadam bahut hai yan
aalam mein log milne ki gon ab nahi rahe
har-chand aisa waisa toh aalam bahut hai yan
waisa chaman se saada nikalta nahi koi
rangeeni ek aur kham-o-cham bahut hai yan
ejaaz-e-iswi se nahi bahas ishq mein
teri hi baat jaan mujassam bahut hai yan
mere halaak karne ka gham hai abas tumhein
tum shaad zindagaani karo gham bahut hai yan
dil mat laga rukh-e-araque-aalood yaar se
aaeene ko utha ki zamin nam bahut hai yan
shaayad ki kaam subh tak apna khinche na meer
ahwaal aaj shaam se darham bahut hai yan
Responses
No comments yet. Be the first to respond.
meer us ghazal ko khoob kaha tha zameer ne
par ai zaban daraaz bahut ho chuki khamosh
shash jihat se us mein zaalim boo khoon ki raah hai
tera kocha ham se toh kah kis ki bismil gaah hai
ek nabhne ka nahi mizgan talak bojhal hain sab
kaarwan lakht dil har ashk ke ham raah hai
ham jwaanon ko na chhoda us se sab pakde gae
ye do saala dukhtar raz kis quadar shataah hai
pa barahna khaak sar mein moo pareshan seena chaak
haal mera dekhne aa tere hi dil khwaah hai
us junoon par meer koi bhi phire hai shahar mein
jaada-e sahra se kar saazish jo tujh se raah hai